(03-07-2009)Dagaalo is-kululeys ah ayaa ka socda Isgoyska Maana-booliyo iyo nawaaxiga Ajibkii Beexaani ee Degmada Shibis halkaasoo ay labo dhinac kaga sugan yihiin ciidamada dowladda iyo kooxaha ka soo horjeeda.

(03-07-2009)Iyadoo shalay dagaalada ay si xoogan ugu soo fideen xaafado ka tirsan Shibis, Cabdicasiis iyo Boondheere kadib markii la isagala soo tagay goobihii maalmihii u dambeeyay lagu dagaalamaya ayaa waxaa saaka ka soconaya degmooyinkaas barakac kii ugu ballaarnaa abid, waxaana dadka ku sugnaa xaafadahaas saaka bilaabeen inay alaabtooda ka xir xirtaan markii dagaalada ku soo dhowaadeen xaalkuna is badalay.

(03-07-2009)Dowladda soomaaliya ayaa wada qorshayaashii u dambeeyay ee ay ku qaadeyso isku dayo weeraro ka dhan ah kooxaha mucaaradka islaamiyiinta ee awooda milateri ku leh gobolada dalka, waxaana qorshayaashan ay kaga gol leedahay inay ku qafiifiso culeyska dagaal ee ka saaran Caasimada Muqdisho oo inteedii badneyd la wareegeen kooxaha ka soo horjeeda.

(03-07-2009)Afhayeenka Xarakatu Al-Shabab Shiikh Cali Dheere ayaa uga digay ciidamada afrikaanka Amisom inaysan ku kadsoomin dagaalada tooska ah ee dhex maraya ciidamada dowladda iyo xarakadooda,isagoona u sheegay in hadii ay ka qeyb qaataan dagaalka dhinaca lugta ay jab lixaad leh ku gaarsiin doonaan.

(02-07-2009)Wadaadka ugu cad cad Xamar iyo Xamar-daye Macallin Xaashi oo kamida Xisbul Islam, ayaa Caawa Warbaahinta Muqdisho ka sheegay inuu bad-qabo oo aaney waxba ka jirin wararka leysla dhex marayo oo tilmaamaya in uu geeriyoodey.

(02-07-2009)Xoogagga Mucaaradka ayaa dagaalkii maanta ilaa galabta ka socdey Muqdisho waxay ku hanteen goobo horleh, waxayna dhinaca waqooyiga soo gaareen ilaa beexaani iyo baar fiyaat, halka dhinaca koonfor-barina ay soo gaareen garoonkii Kubadda kolayga ee 21-oktoober(Ex Lugino).

(02-07-2009)Wasiiru Dowlaha wasaarada gaashaandhiga Shiikh Yuusuf Maxamed Siyaad Indha Cadde ayaa faah faahin ka bixiyay dagaaladii shalay iyo maanta,isagoona sheegay in jab xoogan ay ku gaarsiiyeen waxa uu ugu yeeray mooryaan diimeedka  Islaam la dirirka ah.

(02-07-2009)Saan  la  socono  raga  xamar  isku  dagaalaya  waxay  u  badanyihiin   ragii muqaawamada  loo  bixiyey  waqtigii  itoobiya dalka  soo  gashay kabixitaankii  itoobiya  dalka  looga  saaray waxay  ahayd xeelad  fursad  loogu  siinayey inay  ciidanka  itoobiya    nastaan dibna  isu  urursadaan  ,

 
(02-07-2009)Dagaalo iyo duqeymo is qabsaday ayaa daqiiqado ka hor ka bilowday degmada Kaaraan oo shalay dagaalkii ugu kululaa ka dhacay, iyadoona duqeynta tahay mid si xoog leh u socota,taasoo badankeed laga ganayo Madaxtooyada.

(02-07-2009)Gurmadyo ciidan oo ballaaran ayaa iska soo daba-dhacaya magaalada Muqdisho iyadoo saacadihii u dambeeyay ay soo galeen boqolaal ciidamo oo daacad u ah kooxaha mucaaradka ee ka soo horjeeda dowladda kuwaasoo ka yimid gobolada dalka.

(02-07-2009)Inta badan magaalada Jowhar ayaa xalay ku jirtay xaalad ka duwan sidii hore, waxaana meelo ka mid ah xaafadaha laga taagay shaashado waa weyn oo lagu soo bandhigayay muuqaalo ka hadlayay jihaadka oo ay soo bandhigeen Xarakatu Al-Shabab oo gacanta ku haaya Magaalada jowhar.

(02-07-2009)Wararka ka imaanaya Magaalada B/weyn ee xarunta gobalka Hiiraan ayaa sheegaya in taliyihii Ciidamadii Maxkamadaha Islaamka ee B/weyn uu ka goostay maxkamadaha isagoona ku biiray Ururka Xizbul Islaam ee fariisinka ku leh daanta galbeed ee wabiga Beledweyne.

(02-07-2009)Afhayeenka ciidamada mileteriga dowladda soomaaliya Farxaan Carsaanyo ayaa shaaca ka qaaday in saacadaha soo socda ay Madaxtooyada villa soomaaliya ku soo bandhigi doonaan meydad rag dagaalyahano Ajaaniib ah iyo Saraakiil soomaali ah oo ka tirsanaa Xoogagga Mucaaradka, kuwaasoo ay dowladdu sheegatay inay dagaaladii shalay ka dhacay Kaaraan ku dileen.

(02-07-2009)Iyadoo si Kmg ah maamulka Magaalada B/weyn iyo kan Gobolka hiiraan uu kula wareegay Yuusuf Dabageed Gudoomiyihii hore ee gobolka hiiraan isla markaana maamulkii maxkamadaha ay u muuqato in uu meesha ka sii baxayo, ayaa warar soo baxaya waxay sheegayaan in ciidamo xabashi ah ay soo gaareen deegaano u dhow B/weyn.

(01-07-2009)Tobankii subaxnimo ee maanta waxaa caasimada Italia ee Magaalada Roma loogu dhawaaqay Urur dhalinyaro Soomaaliyeed oo ay ku mideysan yihiin dhalinyarada Soomaaliyeed kadib kulan ballaaran ay yeesheen dhalinyarada Soomaaliyeed ee ku sugan caasimadan Roma.

(01-07-2009)Dagaalo si saf ah ku socda ayaa mar kaliya ka bilowday galabta xaafado ka tirsan Waqooyiga Muqdisho,waxaana dagaalkan uu is heystaa xaafado ku dhirirsan Kaaraan, Shibis ilaa Yaaqshiid, iyadoo degaankaasina uu yahay mid ay dadweynihii degganaa goor hore ka qaxeen.

(01-07-2009)Warar aanu ka helnay Ila-wareedyo ku dhow dhow dowladda Shriif Sheekh Axmed ayaa sheegaya in dowladdu ay qorsheyneyso abuurista ciidamo gaar ah oo u badan ciidamadii Muqaawamada ayna hoggaaminayaan wadaaddo si weyn uga soo horjeeda mabaadii,da ay wataan qaar kamida kooxaha Mucaaradka.

(01-07-2009)Wasiirul-dowlaha gaashaandhigga Shiikh Yuusuf Maxamed Siyaad Indha Cadde oo xalay munaasabada 1-da Luulyo oo uu kaga qeyb galay looga dhawaaqay inuu yahay Wasiiro dowlaha gaashaandhiga dowladda Soomaaliya ayaa si kulul u weeraray siyaasada Xarakatu Al-Shabab, isagoona cadeeyay inuu ka mid ahaa dadkii wax ka aas aasay Ururkaas.

(01-07-2009)Munaasabado ballaaran oo lagu weyneynayo 1-da Luulyo maalinta dhidibada loo taagay calanka soomaaliyed iyo is raacii gobolada koofur iyo waqooyi ee ay xurnimada ka qaateen gumeystihii Talyaaniga iyo Ingiriiska, ayaa xalay ka kala dhacday Magaalooyinka Muqdisho ee Caasimada Soomaaliya iyo qeybo ka tirsan Gobolka G/gaduud.

(01-07-2009)Mid ka mid ah Mudanayaasha Baarlamaanka ayaa xalay ku geeriyooday magaalada Muqdisho kaasoo in muddo ah la xanuunsanayay xanuuno kala duwan, waxaana geerida xildhibaankan shaaciyay mas'uuliyiin ka tirsan Dowladda.