[04-07-2008] Dagaal Culus ayaa xalay waxa uu ka dhacay inta u dhaxeysa garoonka Balli doogle iyo Yaaq bariweyn oo maalmahaan fariisin u ahayd maleeshiyaad ka tirsan kooxda Embagthi, iyadoo dagaalka laysku aeegsaday hubka Nuucyadiisa kala duwan

[03-07-2008] Iyadoo ay xilli dambe u tahay magaalada Beled weyne, ayaa war goordhow naga soo gaarey magaaladaasi, sheegayaa in ciidamo fara badan oo ka tirsan xoogagga dib u xoreynta dalka Soomaaliya ay soo buux-dhaafiyeen degaanada ku xeeran beled weyne.

(03-07-2008) Ciidamadii Itobiya ee saakay Dagaalka ay ku qaadeen Xoogaga wax iska caabinta ayaa dib ugu laabtay janta Kundishe oo dhinaca waqooyi kaga began B/weyne ayaga oo la sheegay in ay wataan Maydad aan la shaacin inta ay yihiin iyo Dhaawac aan tiro la sheegin.

WQ. Abukar Albadri

Saxafi Madaxbanaan

Abukar.albadri@gmail.com

Muqdisho (Luulyo 3, 2008) - Muddo ku dhaw 10 maalmood ama laba toddobaad ahba waxey indhaheyga qabaneyeen qoraalo looga hadlayo maalinta xorriyadda Soomaaliyeed, waxaana maqlayey masuuliyiin hambalyo direysay, waxaase igu soo noqnoqotay su’aal ah “Soomaaliya xorriyadda la sheegayo ma qaadatay weli?”

[03-07-2008] Cabdulahi Yusuf oo maanta shir jaraa`id ku qabtay magaalada Nairobi, ayaa si miyir la,aan ah ugu celceliyey dalabka uu afartii sano ee la soo dhaafay geedkii uu tago, iyo shirkii uu ka qeyb-galoba weydiisan jirey oo ahaa, in ciidamo shisheeye loogu tabarruco, si uu uga dhigto awood uu shacbiga Soomaliyeed isaga celiyo.

[03-07-2008] Sida uu shaaciyay Xoghayaha warfaafinta ee Asmara kulan ayaa lagu wadaa in uu maalinta bari ah ka dhaco Magaalada Asmara kaasi oo looga wada hadlayo sidii loo eegi lahaa xaalada sii cakirmaysa ee soomaaliya iyo waliba Qilaafka Hareeyay Xubnaha labada garab ee ismaandhaafsan.

[03-07-2008] Isgoyska Sanca ee waqiiyiga muqdisho, ayaa saakay waxaa ka dhacay Xasuuq ay gaysteen Mooryaan jufeed ka tirsan kooxda mbagathi, waxayna warar hordhac ah ay sheegayan ilaa 3-qof in ay ku dhimatay kadid markii bas ay saarnaayeen oo maleeshiyadkaasi baaranayeen, leysku af-garan waayey baaddii, kadibna mid kamida maleeshiyada mbagathi uu rasaas oodda kaga qaaday dadkii rakaabka ahaa.

[03-07-2008] Waxaa sanooyinkii ugu dambeeyey aad u soo kordhayey tirada dhallinyarada buufisku ku dhacay ee sida aan qorsheysneyn ugu tahriiba dhul aaney wax fikrad ah ka haysan, taasoo aalaaba natiijadu noqoto dhibaatooyin badan oo ay kala kulmaan socdaalkooda aan jiheysneyn.

[02-07-2008] Haraadigii xabashada ee ka badbaadey degaalladii ay shalay ciidamada difaaca diinta iyo dalka Soomaaliya ku maquuniyeen maleeshiyadka cadowga xabisha, ayaa iyagoo dalambaabi ah saakay soo gaadhey degaanada kala beyrka iyo beer gadiid oo ka tirsan gobolka Hiiraan.

[02-07-2008] Wararka saakay ka imaanaya goobihii ay shalay ilaa xalay Fiidkii ay dagaaladu ka dhacayeen gaar ahaan Km4 ilaa Tarabuunka, ayaa sheegaya in saakay Xaafadahaasi ay ku soo jarmaadeen Maaleeshiyaadka Maraya calasta oo ay Kor ka eegayaan Ciidamada Ugandha ee jooga KM4,

[02-07-2008] Maamulka George Bush oo bilo uga hareen joogitaanka xafiiska Aqalka cad ee Mareykanka, ayaa bilaabay baryootan iyo waawarey aan caadi ahayn oo uu dalalka Afrikaanka uga codsanayo iney la soo dhaqsadaan ciidamadii ay ballan qaadeen iney u soo dirayaan Soomaaliya, isla markaasna ay soo raaciyaan ciidamadaas, dhaqaalihii loogu daad-gureyn lahaa Soomaaliya.

[01-07-2008] Kadib markii uu qaboobey dagaalkii gabbal dhicii ilaa caawa ka socdey muqdisho, ayaa ciidamada Ugaandha waxay si fuleynimo ah madaafiic ugu garaaceen xaafado dhowr ah oo ka tirsan magaalada muqdisho, oo ay deggan yihiin dad rayid ah, madaafiicdaas oo ay ku le,deen dad inta ogyahay gaadhaya 10 ruux, halka qaar kalena ay iyagoo dhaawac ah ku dhiig baxayaan guryohoodii, maadaama aaney jirin tas-hiilaad lagu geeyo Isbitaalada.

[01-07-2008] Sarkaal sare oo ka tirsan xoogagga difaaca diinta iyo dalka Soomaaliya, isla markaasna ku sugan jiidda hore ee dagaalka maanta ilaa caawa ka socdey degaanka Matabaan ee gobolka hiiraan, ayaa warsidaha dalkanews u xaqiijiyey, in xoogagga xoreynta dalka hooyo ay cagta mariyeen ciidamadii itoobiya ee bilihii u dambeeyey ku dhex wareegayey gobollada Hiiraan iyo Galgaduud.

[01-07-2008] Dagaalkii saakay Subaxii Hore ka qarxay Magaalada matabaan ayaa haatan la sheegayaa in gabaldhicii galabta uu iskiis u qaboobay walow ay is hor fadhiyaan labadii Ciidan ee isku hertiyay Dhinaca bari ee hiiraan gaar ahaan Matabaan.

[01-07-2008] Kaaliya xog-hayaha Arrima dibedda ee Mareykanka ms Jendayi Fraser, ayaa daboolka ka qaaday, in Mareykanku uusan awoodin qalabeynta iyo daabulidda ciidan gaaraya 800 oo askeri oo dowladda Naigeria ku yaboohday iney u soo direyso Soomaaliya, waxayna Jandayi Fraser sheegtay iney weli la kufaa-kacayaan sidii ay u soo dhameys tiri lahaayeen ciidamada ay dowlada Burunti ku yaboohday oo gaadhaya 1200, oo ilaa iyo hadda aan Soomaaliya gelinay bey tiri haweeneydaani 370 askeri.

[01-07-2008]walaalayaal waxaad tihiin   dad ay diinta ialaamku isku keentay  dadaal wayn oo jihaad ah ku jira sidii ay  diinta islaam kor u noqon lahayd,  waxaad u istaagteen illaahay dartiis bi,idnillaah  marka walayaal waa in aad iska jirtaan waxyaabaha guuldarada keena  waxaana ka kow ah magacayada kala duwan oo  aad isticmaalaysaan, maxakamadaha iyo alshabaab iyo wixii la mid ah.

-01-07-2008-Maanta oo ah maalintii ay Xornimada qaadateen Gobolada Koonfureed, ayna midoobeen Waqooyi iyo Koonfur soomaliya,  wax aan xus lagu sheegi karin lagu qabtay Magaalooyinka Muqdisho iyo Baydhabo, taasi oo ay ka muuqatay xaqiraaddii ugu weyneed ee loo geystey sharafta iyo qaranimadii Soomaaliyeed, kadib markii Cadowgii soo jireenka ahaa ee xabashida ay si jees-jees ah iyagu u jilayeen xafladda.